Sree Krishna Jayanti | Janmashtami

 

കൊന്നപൂക്കളിൽ

നിന്റെ കിങ്ങിണി

നറും, മന്ദാരപുഷ്പങ്ങളിൽ

നിൻ 

മന്ദസ്മിത കാന്തി നിൻ

മിഴികളിന്നീ ശംഖു പുഷ്പങ്ങളിൽ

നിൻ മെയ്ശോഭകളിന്ദ്ര നീല

മുകിലിൽ, പട്ടാട, പൊൻ വെയിലിലും

കണ്ണാ, വേറൊരു പുണ്യമെന്തു,മിഴികൾക്കെങ്ങും 

ഭവ ദർശനം.

(ONV)

മറ്റൊന്നിതു പോലെ

വേറെയേതുണ്ട്..?

വസന്തങ്ങളൊന്നാകെ

പൂക്കളും,🌹

കാർമുകിലു

കളൊന്നാകെ

നീലവും,💧

സ്വരങ്ങളൊന്നാകെ

ഈണവും☘️

ഋതുക്കളൊന്നാകെ

ചാരുതയും🌺

ഒരു സൃഷ്ടിക്കായി

മാറ്റിവെച്ചെങ്കിൽ

അതാണ് നമ്മുടെ

ശ്രീകൃഷ്ണ സങ്കല്പം.🧡

നിങ്ങൾക്ക് കൃഷ്ണനെ മകനായി 

സങ്കല്പിക്കാം,

അതിന്, യശോദയോ 

നന്ദഗോപരോ ആകണമെന്നില്ല.!

വാത്സല്യത്തോടെ ഒന്നു വിളിച്ചാൽ മതി.🦌

നിങ്ങൾക്ക് കൃഷ്ണനെ, പ്രണയിക്കാനുമാകും .

അതിന് രാധയൊ, ഗോപികയോയാകണമെന്നില്ല.

പ്രേമസ്വരൂപനായി അവനെയൊന്നു സങ്കല്പിച്ചാൽ മതി.!!♥️

നിങ്ങൾക്കൊപ്പം അവൻ

തേരാളിയായി വരും.

അതിന് പാർത്ഥനാകണമെന്നില്ല.

സന്ദിഗ്ദ്ധനായ നിങ്ങളുടെ മുന്നിൽ

കൃഷ്ണനെ പ്രതിഷ്ഠിച്ചാൽ  മാത്രം മതി.!!🦄

സദാസമയവും

ഭത്സിച്ചു കൊണ്ട്

കർണ്ണനെ പോലെയും

ഓരോ ശ്വാസനിശ്വാസവേഗങ്ങളിലും ഭയത്തോടെ

സ്മരിച്ചു കൊണ്ട് ദുര്യോധനനെ പോലെയും നിങ്ങൾക്ക് അവനിൽ

എത്തിച്ചേരാം.!🦋

മുനിമാരിൽ കപിലമുനിയായും,

ഋഷിമാരിൽ വേദവ്യാസനായും,

പാണ്ഡവരിൽ പാർത്ഥനായും,

ശക്തരിൽ സ്ക്ന്ദനായും,

അത്ഭുതങ്ങളിൽ വിഭൂതിയായും...,

മധുരങ്ങളിൽ മധുവായും...

ഗാത്രങ്ങളിൽ നീല 

ഗാത്രമായും,സ്നേഹവും, ജ്ഞാനവും,കരുതലും,കുസൃതിയുമായി പിറവിയെടുത്ത മറ്റൊരു ദേവ സങ്കല്പം ഈ ഭൂവിൽ

വേറേയേതുണ്ട്..?♥️

'ഞാൻ ജനിച്ചിട്ടുമില്ല,

ഞാൻ മരിച്ചിട്ടുമില്ല, നിങ്ങൾ തിരയുന്നിടത്ത് പക്ഷെ ഞാനുണ്ടാകും..' എന്ന് പറയുന്ന, ഒരു ഈശ്വര സങ്കല്പത്തിന്റെ, പിറന്നാൾ ആഘോഷിക്കുന്നതു തന്നെ

എത്ര,മധുരം, മധുരതരം.!!!♥️

"എല്ലാവർക്കും ശ്രീകൃഷ്ണ

 ജന്മാഷ്ടമി ആശംസകൾ"🧡

     കലഞ്ഞൂർ ജയകൃഷ്ണൻ🙏